Guzarish

Har khushi har kisi se baati nahi jati...
Har gam har kisi se chupaya nahi jata...
Har aasun par tujhse judai ka naam nahi hota...
Har hasi tere aane ka paigaam nahi deti...

Har pehli mulakat yaadgaar nahi hoti...
Har milne walo ko yaad nahi karte...
Har chehre ko dekhne ki lalsa nahi hoti...
Har khushbu mehsoos karne ki tamanna nahi hoti...

Magar...

Aaj fir har khushi baatne ki tamanna hai...
Aaj fir har gam chupane ki khawish hai...
Aaj fir mere aansun apni pehchaan bata rahe hain...
Aaj fir meri hasi wahi paigaam dena chahti hain...

Wo pehli mulakat jo pehli na thi... fir se yaad aa gayi...
Kahin kisi mod tanha mila tha... Wo dost fir se yaad aa gaya...
Tera chehra jo mit chuka tha aankho se... fir se nazar aa gaya...
Wo khushbu jo kho chuki thi seene me... uska ehsaas fir se jaag gaya...

Dua aaj bhi yehi karte hai... Jo shayad poori ho jaye...
Tera har aansun mujhe mil jaye... Meri har hasi tere naam ho jaye...

Hai ek hi Guzarish tujhse mere dost... apne aansun mujhse kabhi na chhupana...
Mere gamon ko apna samjho na samjho... Meri har khushi ko apna banana...